MWILI WA ALIEKUA SHAHIDI WA KESI YA WILIAM RUTO WAPATIKANA

Serikali ya Kenya imeutambua rasmi mwili wa mtu mmoja uliopatikana katika mbuga ya wanyama ya Tsavo, kuwa ni wa Meshack Yebei ambaye alikuwa shahidi katika kesi inayomkabili makamu wa rais wa Kenya William Ruto. kwenye Mahakama ya ICC.

Meshack Yebei

Mkemia wa serikali ya Kenya ametangaza kuwa mwili huo ambao ulikuwa umehifadhiwa  kwenye chumba cha maiti tangu mwezi December mwaka 2014 ni wa Meshack baada ya mwili huo kufanyiwa uchunguzi wa chembechembe za DNA.

Meshack Yebei

Meshack Yebei alitekwa mwishoni mwa mwezi December nyumbani kwake Eldoret alipokwenda kumwona mkewe aliyekuwa anaumwa, familia yake ililalamika kuwa kutoweka kwa Yebei kunatokana na kuhusishwa na kesi hiyo.

William Ruto

Yebei alitarajiwa kuwa shahidi wa Makamu wa Rais wa Kenya, William Ruto kwenye kesi yake ya mauaji inayoendelea Mahakama ya ICC, The Hague.